Dy persona kanë mbetur të plagosur si pasojë e të shtënave me armë zjarri mbrëmë në fshatin Kryshec të komunës së Pejës.
Ilir dhe Bajram Gashi mbetën të plagosur si pasojë e të shtënave me armë zjarri.
Lidhur me rastin Policia ka njoftuar se është arrestuar personi i dyshuar, i cili shtiu plot shtatë herë me armë drejt kushërinjve të tij.
IndeksOnline mëson nga burime të sigurta se J.Gashi që shtiu me armë zjarri shtatë herë nga vetura në drejtim të tyre është kusheriri i të plagosurve.
Iliri është në gjendje të rëndë shëndetësore i cili po trajtohet në QKUK. Policia ka arrestuar të dyshuarin dhe është dërguar në mbajtje./IndeksOnline/
