Santiana Maloku ka bërë një rrëfim emocional gjatë spektaklit të ditës së djeshme (e hënë) në Big Brother VIP Kosova 2.
Ajo tregoi se prindërit e saj janë divorcuar kur ishte vetëm dyvjeçe dhe që nga ajo periudhë ka pasur shumë sfida në jetë.
E njëjta zbuloi se gjyshen e saj e dinte për nënë, e nënën për motër, derisa e kuptoi nga një kushërirë e së ëmës të vërtetën.
Santi mes tjerash rrëfeu edhe për të atin, të cilin tha se e ka parë për herë të parë në moshën 18 vjeçare.
“Gjithë jetën është munduar për mua. Kur i kam pasur 18 vjet, e kam pasur një operacion në gji, e kam trashëguar prej nënës, por për fat më ka shkuar mirë. Nuk kishim edhe aq para, por e di që u patën çu krejt. Unë kam shkuar në postë, e kam thirr babanë tim, do të thotë e kam bërë atë gabim, por ma bëri që jam duke gënjyer. Nuk më besoi që përnime po më duhen, kur e mora ata përgjigje mu prenë këmbët krejt”, u shpreh ajo.
Tutje, bukuroshja nga Gjakova shtoi: “Njerëzit tjerë ishin në gjendje e babai im jo, prej atij momenti nuk kam as përse të kem kontakt me të. Kur janë ndarë, babai ka dashur të më marrë prej nënës. E di sa më kanë ruajtur familja ime dhe jam e vetëdijshme që s’mundet të më marrë më askush. Babanë e kam takuar për herë të parë në moshën 18 vjeçare, nuk e kam njohur, vetëm emrin ia kam dit. Nuk kam kontakte më me të, një babë e kam pasur, ai nuk jeton më. E kam nënën për gjithçka. Unë sulmoj para se të më sulmojnë”.
