Një revole me gaz është gjetur sot gjatë kontrollimit në bagazhin e autobusit në pikë kalimin kufitar në Merdar.
Policia e Kosovës ka njoftuar se arma ka qenë e fshehur në një valixhe udhëtarësh.
Sipas policisë autobusi ka qenë i një kompanie vendore i linjës Itali – Kosovë.
“Në ora 09:05 në pikë kalimin kufitar në Merdar, në hyrje të Republikës së Kosovës, zyrtarët policorë kufitar së bashku me zyrtarët doganorë gjatë kontrollimit në bagazhin e autobusit të një kompanie vendore, i linjës ndërkombëtare Itali-Kosovë, me vozitës m/k dhe ndihmës vozitës m/k kanë gjetur një armë (revole me gaz), e cila kishte qenë e fshehur në një valixhe udhëtarësh”- thuhet në njoftim.
“Me autorizim të Prokurorit të Shtetit është iniciuar rasti në procedurë të rregullt: “Import, eksport, furnizim, transportim, prodhim, këmbim ose shitja e paautorizuar e armëve apo materieve plasëse”, thuhet në njoftim.
