Sa para do t’ju duheshin për të qenë të lumtur në jetën tuaj të përditshme?
Studiuesit nga Universiteti Princeton, të udhëhequr nga psikologu dhe ekonomisti izraelito-amerikan dhe laureati i çmimit Nobel të vitit 2002, Prof. Daniel Kahneman, dolën në një rezultat ndërsa një ekip nga Universiteti i Pensilvanisë gjeti të kundërtën.
Megjithatë, të dy ekipet punuan së bashku për të pajtuar rezultatet e tyre kontradiktore dhe gjetën një lidhje të qëndrueshme midis të ardhurave më të mëdha dhe lumturisë më të madhe për shumicën e njerëzve.
Puna e botuar në 2010 nga Kahneman dhe ekonomisti britanik, Sir Angus Deaton, zbuloi se lumturia e përditshme rritej me rritjen e të ardhurave vjetore.
Kur shifra shkonte poshtë 75 mijë dollarëve dhe lumturia ulej.
Në të kundërt, në punën e botuar në vitin 2021 nga Shkolla e Biznesit Wharton në Universitetin e Pensilvanisë, Dr. Mattheë Killingsworth zbuloi se lumturia rritej në mënyrë të qëndrueshme me të ardhura shumë më të larta se 75 mijë dollarë.
Për të pajtuar dallimet, të dy u bashkuan në atë që njihet si një “bashkëpunim kundërshtar”.
Kështu mesatarisht, të ardhurat më të mëdha shoqërohen me nivele gjithnjë në rritje të lumturisë.
“Me fjalët më të thjeshta, kjo sugjeron që për shumicën e njerëzve, të ardhurat më të mëdha shoqërohen me lumturi më të madhe”, tha Killingsworth.
“Përjashtim bëjnë njerëzit që janë financiarisht të pasur, por të pakënaqur. Për shembull, nëse je i pasur dhe i mjerë, më shumë para nuk do të ndihmojnë. Për të gjithë të tjerët, më shumë para shoqëroheshin me lumturi më të lartë në shkallë disi të ndryshme”.
Mellers gërmoi në këtë nocion të fundit, duke vënë në dukje se mirëqenia emocionale dhe të ardhurat nuk janë të lidhura nga një marrëdhënie e vetme.
“Funksioni ndryshon për njerëzit me nivele të ndryshme të mirëqenies emocionale”, tha ajo.
Në mënyrë të veçantë, për grupin më pak të lumtur, lumturia rritet me të ardhurat deri në 100 mijë dollarë, më pas nuk tregon rritje të mëtejshme ndërsa të ardhurat rriten.
Për ata që janë në rangun e mesëm të mirëqenies emocionale, lumturia rritet në mënyrë lineare me të ardhurat.
