Aeroporti i qytetit të Hamburgut në Gjermani u mbyll të shtunën mbrëma, pasi një person i armatosur kaloi pengesat me automjetin e tij drejt pistës së fluturimeve.
I dyshuari shkrepi dy herë në ajër, sipas gazetës gjermane Die Welt.
Sipas raportimeve të shumta, i dyshuari thuhet se po mban peng një fëmijë në makinën e tij.
Policia tha gjithashtu se gruaja e burrit i kishte kontaktuar më herët për një rrëmbim të mundshëm të fëmijës.
VIDEO
https://x.com/visegrad24/status/1720908575227171245?s=20
“Aktualisht po supozojmë një situatë statike pengjesh”, shkroi policia e Hamburgut në X.
I dyshuari gjithashtu thuhet se hodhi dy kokteje molotovi nga makina.
Pamjet e publikuara gjerësisht në rrjetet sociale tregojnë situatën në aeroportin e Hamburgut.
