Një banesë është përfshirë nga zjarri sot rreth orës 04:30 në lagjen “Mati 1” në Prishtinë.
Rastin për Gazetën Express e ka konfirmuar zëdhënësja e Policisë për Rajonin e Prishtinës, Florie Ahmeti.
Sipas saj, nuk ka ndonjë person të lënduar.
“Sot rreth orës 04:30, kemi pranuar informatën për një incident zjarri në lagjen Mati 1, në Prishtinë, në një banesë. Në vendngjarje kanë dalë policia dhe zjarrfiksit të cilët kanë lokalizuar zjarrin. Nuk është raportuar për ndonjë person të lënduar”, ka thënë Ahmeti.
