Ish-banorja e edicionit të tretë të ‘Big Brother Vip Albania’, Arta Kabashi pas daljes nga shtëpia ka qenë e ftuar në emisionin “Top Albania Radio”, ku ka folur rreth eksperiencës së saj në këtë spektakël.
Ndër të tjera, këngëtarja foli edhe rreth raportit të saj me një nga banorët e shtëpisë, Romeo Veshaj ku dyshja u panë mjaft të afërt me njëri-tjetrin.
Këngëtarja ndër të tjera nuk e mohoi se Romeo në fillim ka flirtuar më të.
“Unë e kam thënë që nuk kam qejf që të bëhem çift brenda ‘Big Brother’ për shkak se nuk mundesh kurrë të jesh 100% vetja se gjithçka është me kamera. Ne kemi pasur një raport shumë të bukur dhe kemi pasur një respekt për njëri-tjetrin. Se këto thonin që unë po e përkrah Romeon dhe me patjetër duhet të jetë dashuri romantike. Por u vu re që ne të dy kemi pasur shumë konsideratë ndaj njëri-tjetrit, mendimeve të njëri-tjetrit. Nëse do të vazhdonte gjëja si javën e parë, me të njëjtin ritëm, ne do të vazhdonim duke flirtuar se normal nuk është diçka që mua më duket mëkat. Mirëpo rrjedha e muhabetit tonë sesi ka shkuar, në fillim ka flirtuar ai se ka menduar që jam vetëm një pamje”- ka thënë ajo.
