Gruaja e ish-presidentit Donald Trump, Ivana ka vdekur dje. Ende nuk është përcaktuar shkaku i saktë i vdekjes. Por në bazë të rrethanave fillestare, vdekja e saj është e dyshimtë.
Sipas një deklarate të policisë, ata morën një telefonatë rreth orës 12:40 (me orën lokale) për një grua “që kishte nevojë për ndihmë”. Stafi mjekësor tha se iu përgjigj një raporti për një person me probleme me zemrën.
Koha dhe vendi i këtij raporti përputheshin me raportin e Departamentit të Policisë së Nju Jorkut (NYPD). Pas mbërritjes, personi ishte tashmë i vdekur.
Aktualisht është e paqartë nëse vetë Ivana Trump thirri numrin e urgjencës.
Ish-bashkëshortja e ish-presidentit amerikan Donald Trump vdiq të enjten në moshën 73-vjeçare .
“Nëna jonë ishte një grua e jashtëzakonshme – një forcë në biznes, një atlete e klasit botëror, një bukuri rrezatuese dhe një nënë dhe mike e kujdesshme”, tha familja të enjten në njoftim.
Donald Trump komentoi vdekjen e ish-bashkëshortes së tij në platformën Truth Social, të cilën ai e themeloi. “Ajo ishte një grua e mrekullueshme, e bukur dhe e mahnitshme që jetoi një jetë të mrekullueshme dhe frymëzuese”, tha Trump.
