Stafi mjekësor në Spitalin Rajonal të Pejës, janë alarmuar sot pasi që në xhepin e palltos së një pacienti kanë gjetur një mjet shpërthyes.
Lajmin për Telegrafin ka konfirmuar zëdhënësi i policisë për rajonin e Pejës, Fadil Gashi.
Gashi ka thënë se nuk dihet se për çfarë mjeti shpërthyes bëhet fjalë.
“Sot rreth orës 12:40, policia është njoftuar se në spitalin rajonale në Pejë, stafi mjekësor gjatë kontrollit të një pacienti, në xhep të palltos kanë vërejtur një mjet shpërthyer.
Policia ka ndërmarrë veprimet e autorizuara, kanë larguar pacientët dhe stafin”, ka thënë Gashi.
Ai ka shtuar se në vendin e ngjarjes ka dalë edhe njësiti për deminim.
