Një aksident i rëndë trafiku ka ndodhur sot rreth orës 17:20 në rrugën nacionale Prishtinë – Pejë, saktësisht te ‘Kroi i Mbretit’, ku një veturë ka goditur për vdekje një këmbësore.
Rastin për Gazetën Sinjali e ka konfirmuar zëdhënësi i Policisë së Kosovës, Bajram Krasniqi, i cili tha se njësitë policore janë në vendin e ngjarjes.
Në vendngjarje kanë dalë edhe ekpi mjekësor, ku mjeku ka konstatuar se viktima ka ndërruar jetë.
Më ora 17:20, policia është njoftuar për një aksident trafiku të ndodhur në rrugën nacionale Prishtinë-Pejë (te Kroni i Mbretit). Nga vendi i ngjarjes, patrulla e policisë njofton se një veturë ka gotitur një këmbësore. Për rastin është njoftuar edhe ekipi emergjent mjekësor, të cilët kanë konstatuar se këmbësorja është pa shenja jete. Policia po merret me rastin”, tha Krasniqi për Sinjalin
