Është shtyrë sërish regjistrimi i popullsisë në Kosovë.
Këtë e ka bërë të ditur vetë kryeministri Kurti në mbledhjen e Qeverisë.
I paraparë të niste në shtator, e pastaj i shtyrë sërish për në nëntor, kryeministri Kurti tha se Qeveria e Kosovës ka vendosur sërish për shtyrjen e regjistrimit të popullsisë, duke vendosur kështu që ky proces të realizohet në periudhën prej 5 prillit deri më 17 maj.
Regjistrimi i fundit i popullsisë në Kosovë është bërë në vitin 2011, ku nga ky proces, numri i përgjithshëm i banorëve në Kosovë llogaritet të jetë rreth 1,8 milion banorë.
Në këtë regjistrim nuk ishin përfshirë banorët e komunave me shumicë serbe në veri të Kosovë (Leposaviq, Zubin Potok, Zveçan dhe Mitrovicë e Veriut), pasi në atë kohë ata kishin refuzuar procesin.
Gjatë regjistrimit është thënë se do të jenë aktiv në terren rreth 3 mijë regjistrues, por që do të ketë edhe një numër rezervë.
