Katër komuna në veri të Kosovës me shumicë serbe janë zgjuar mëngjesin e së hënës me mesazhet “Mirë se vini në Asociacionin e Komunave Serbe”.
Billbordet dhe posterat në të gjithë Mitrovicën e Kosovës, Leposaviqin, Zubina Potok dhe Zveçanin tregojnë sloganin “Kjo është ZSO”, me simbole dhe mesazhe në gjuhën angleze që flasin për këtë organizatë, raporton Kosovo-online.
Mesazhet janë shfaqur në shëtitoren kryesore në Mitrovicën e Veriut, dhe në tabelat e vendosura në hyrje-daljet e katër komunave.
Marrëveshja për formimin e Asociacionit mes Kosovës e Serbisë është arritur në vitin 2013.
