Petrit Mehmeti, shoku i këngëtarit, Yll Limani të hënën është përfshirë në një rrahje në Prishtinë.
Sipas shqip.com ai fillimisht është sharë dhe fyer nga personi tjetër dhe pas kësaj ka filluar konflikti.
Sipas të njëjtit burim, policia ka arrestuar Petritin (i cili është trajner fitnesi) dhe një person tjetër me iniciale A.B.
Për këtë rrahje ka njoftuar edhe Policia e Kosovës në raportin 24 orës.
Sipas tyre, rrahja ka ndodhur rreth orës 12:30 në rrugën “ Ukë Bytyqi” dhe viktima është dërguar në QKUK për trajtim mjekësor.
“Rr. Ukë Bytyqi, Prishtinë 05.12.2022-12:30 Janë arrestuar dy të dyshuar meshkuj kosovarë, pasi të njëjtit kishin sulmuar fizikisht viktimën mashkull kosovar. Viktima është dërguar në tretman mjekësorë në QKUK. Të dyshuarit me vendim të prokurorit janë dërguar në mbajtje”.
