Një ngjarje e rëndë ka ndodhur sot rreth orës 15:00 në Gjakovë, ku një vajzë e vogël ka pësuar lëndime të rënda pasi dyshohet se u rrëzua, raporton Gazeta Sinjali.
Burimet e Gazetës Sinjali brenda Emergjencës së Spitalit rajonal ‘Isa Grezda’ në Gjakovë, kanë bërë të ditur se e mitura është dërguar atje në gjendje të rëndë si pasojë e lëndimeve në kokë, teksa nëna e saj ka njoftuar mjekët se vajza është rrëzuar në shkallët e shtëpisë.
Për shkak të gjendjes së rëndë shëndetësore, vajza e mitur është nisur me urgjencë që të transferohet në Qendrën Klinike Universitare të Kosovës në Prishtinë.
Ndërkohë lidhur me rastin është njoftuar edhe Policia e Kosovës, të cilët kanë dalë menjëherë në vendin e ngjarjes.
Sinjali do t’iu mbajë të informuar me detajet e reja lidhur me rastin.
