Që kur lansua bashkëpunimin e tyre për këngën “All You Lovin”, Ron Zaiti dhe Semi Jaupaj u përfolën edhe për një romancë.
Por lidhja nuk u konfirmua nga asnjëra palë. Më pas u tha se ata kanë ndarë rrugët dhe duke mos mjaftuar me kaq dueti i tyre tejet i suksesshëm u fshi nga YouTube.
Për këtë, Semi e fajësoj Ronin duke mos dhënë një arsye konkrete se pse kishte ardhur deri te një veprim i tillë.
Megjithatë, tani i ftuar në “Glamour Zone”, Zaiti ka folur rreth kësaj çështje duke sqaruar fshirjen e këngës nga platforma dhe gjithashtu shkëputjen e bashkëpunimit me ‘label’-in e Dafina Zeqirit.
Artisti tha se nuk bën më pjesë në kompaninë muzikore të këngëtares dhe se tani është vetëm.
Tutje, Roni u shpreh se nuk ishte vendimi i tij për fshirjen e këngës dhe se për këtë mban përgjegjësi këngëtarja Dafina dhe kompania e saj muzikore “Moneyz Music”.
“Se kam fshirë unë këngën, ajo është interpretuar keq prej Semit. Unë kam qenë pjesë e labelit të “Moneyz Music” që nuk jam më pjesë e tij. Tani jam vetë. Shkak i heqjes së të gjitha këngëve nga të gjitha rrjetet sociale ka qenë shtëpia muzikore për shkak se nuk jam më i kontraktuar prej tyre, nuk marr më pjesë në shtëpinë muzikore. Arsyen se di. Por vendimi ka qenë i drejtueses së shtëpisë muzikore, Dafina Zeqirit, e cila ka vendos me i heq të gjitha këngët prej YouTube dhe ashtu ka ndodh. Nuk janë hequr nga unë se nuk kam pasur akses. Ka qenë pronë shtëpisë muzikore”, tha artisti.
