Real Madrid rikthehet te fitorja në La Liga . “Madrilenët” triumfuan 0-2 përball Athletic Bilbaos, në një transfertë aspak të lehtë për të besuarit e trajnerit Carlo Ancelotti.
Karim Benzema vijon të shënojë në vazhdimësi në La Liga pas Botërorit “Katar 2022”. Sulmuesi francez u shfaq me instiktin e tij “vrasës” në minutën e 24-t në transfertën e “San Mames”, përballë Athletic Bilbaos, në kuadër të javës së 17-të.
35-vjeçari realizoi menjë kthesë të menjëhershme brenda zonës duke shfrytëzuar më së miri topin e kthyer me kokë nga Asensio, 0-1.
Në limitet e kohës së rregullt, pas përpjekjeve të dështuara të vendësve për të shënuar, Toni Kroos realizoi të dytin për Realin, që me këtë sukses ruan diferencën prej tri pikësh me Barcelonën.
