Kryeministri i Kosovës, Albin Kurti për më shumë se një javë ndodhet në Greqi, i cili po merr pjesë në simpoziumin “Symi”, ku kishte qenë edhe vitin e kaluar.
Edicioni i sivjetmë i simpoziumit, sikurse edhe vitin e kaluar, po mbahet në “Grand Resort Lagonissi”, një hotel superluksoz.
Kurti po qëndron në bregdetin e Lagonisit, 30 kilomentra në juglindje të Athinës.
Ky vend konsiderohet si një nga hotelet më luksoze në mbarë globin.
Qëndrimin e Kurtit “Grand Resort Lagonissi” vjet e kishte zbuluar ish-kryeministri i Greqisë, George Papandreou, në një postim në Facebook.
Për qëndrimin e tij të gjatë dhe në një hotek super luksoz, Kurti ka marrë kritika të shumta.
Por pas kësaj ka reaguar zëdhënësi i Qeverisë, Përparim Kryeziu, i cili ka bërë të ditur se shpenzimet në Greqi Kurtit po i mbulohen nga organizatori.
“Sivjet është viti i pestë me radhë që kryeministri Kurti merr pjesë në Simpoziumin Symi, ku të pranishëm janë politikanë progresistë e akademikë të shquar nga mbarë bota. Sikur herave të kaluara edhe këtë vit shpenzimet e udhëtimit dhe të akomodimit mbulohen nga organizatori”, ka shkruar Kryeziu në ‘Facebook’.
