Kryetari i Vitisë, Sokol Haliti, ka folur për herë të parë, për dy xhamitë në komunën e Vitisë, që pretendohet se kontrollohen nga “imamë të vetëshpallur”, raporton PlusTV.
Haliti thotë se kontrolli dhe menaxhimi i dy xhamive, njëra në fshatin Skifteraj dhe tjetra në Ramnishtë, i përketë Bashkësisë Islame të Kosovës (BIK), dhe siç u shpreh ai, ata duhet në emërojnë imamët aty sipas rregulloreve që kanë duke bërë thirrje që kjo temë të mbyllet me kaq.
Kështu u shpreh Haliti, të mërkurën, në mbledhjen e Këshillit Komunal për Siguri në Bashkësi të Vitisë, KKSB.
“Në aspektin e trajtimit të temave, na natyrishtë që jemi duke u treguar serioz dhe të përgjegjshëm, edhe në Këshillin për Siguri në Bashkësi, edhe në organet tjera edhe në Kuvend, edhe në instancat tjera. Ajo që deshta me thanë një çështje që qarkullon, e që duhet me u mbyll si temë, edhe me qu aty ku është në vendin e vetë, që mos me u përzi temat, dhe që secili me i kry detyrat dhe përgjegjësitë e veta. Çështja e Ramishtës dhe Skifterajt, unë e kam pas me këshillin e Ramnishtës një takim, sipas rregullave Këshilli i Bashkësisë Islame e emëron udhëheqësinë, imamin e emëron në Ramnishtë, me rregulloret të cilat i ka të vetat, dhe ne i qëndrojmë mbrapa, në kuptimin statutar, zyrtare etj., dhe aty asnjë fjali ma shumë, gjersa ata e lanë pa emëru, lanë hapësirë…, duhet me e mbyll këtë temë,” tha Haliti.
Ai tutje tha se pasi Këshilli i Bashkësisë Islame të Vitisë, të kryejë emërimin e imamëve në mënyrë legale e zyrtare në dy xhamitë, ata mbrohen nga policia e nga ligji.
Duhet me shku me emëru ata sipas rregullores vetë dhe tani masanej zyrtarin legal që emërohet sipas rregullores të Bashkësisë Islame, faktikishtë e mbronë edhe policia, edhe ligji edhe rendi. Kjo temë duhet të mbyllet dhe duhet me shku në mënyrë legale dhe nuk duhet me ju gjujtë topi as institucioneve tjera, as instancave tjera, por vetëm kështu duhet me u ba, në mënyrë legale. Edhe unë nëse e bëjë ndonjë zbraztirë, e lejoj e edhe e shkarkojë dikë, krijohet ai vakum, atyne… (s’qenka këtu), duhet me ua bë me dije, se duhet me emëru punëtorin e juaj atje, imamin dhe pastaj janë rregullat dhe ligjet asnjë fjali as më shumë as më pak dhe kjo temë kështu duhet me u kry. Dhe na me punu me komunitetin, me këshillin e fshatit, me qytetarë, me u marr me punë tjera shkollë e ambient. Unë edhe i thashë kryetarit të fshatit sot, kompetent për emërimin e zyrtarit aspektit fetar që udhëheqë aty është Bashkësia Islame, masanej policia e mbron, edhe ne gjithë, dhe kjo temë duhet të mbyllet kështu”, shtoi Haliti.
Në mbledhjen e KKSB-së ku Haliti i bëri këto deklarata, nuk ishin të pranishëm askush nga Këshillin i Bashkësisë Islame në Viti.
Kujtojmë se çështja e dy xhamive kishte përplasur më herët zyrtarët e komunës së Vitisë me Këshillin e Bashkësisë Islame në këtë komunë. Kjo pasi që BIK-u nuk po mund të vendos kontrollin dhe menaxhimin mbi dy xhamitë në Viti që po drejtohet nga imam që janë jashtë juridiksionit të BIK’ut, dhe se për këtë problem kjo e fundit i ka njoftuar të gjitha organet shtetërore./PlusTV/
