Familja Mulaku nga Ferizaj u trondit me rastin tragjik që iu ndodhi mbrëmë, kur dy vajzat e tyre ranë nga një ndërtesë dhe për pasojë njëra prej tyre humbi jetën, e tjetra është në gjendje të rëndë shëndetësore. Vajza që mbijetoi dyshohet se ra nga kati i katërt duke tentuar ta shpëtojë motrën e saj nga vetëvrasja. Fatkeqësisht fundi ishte i tmerrshëm, pasi vajza 15-vjeçare vdiq.
15-vjeçarja që i dha fund jetës, ka qenë në gjendje të rënduar psikike dhe emocionale kohën e fundit.
Fotografia e Z.Mulakut tashmë është publikuar, teksa familja ka njoftuar se varrimi do të bëhet pas namazit të ikindisë në Ivajë të Kaçanikut.
Vdekja e saj është cilësuar si “Vetëvrasje” nga Prokurori i Shtetit dhe akoma nuk dihen motivet që e kanë shtyrë të miturën drejt këtij akti.
Në anën tjetër gjendja shëndetësore e vajzës që shpëtoi A.Mulaku është e rëndë dhe e njëjta është nën kujdesin intensiv në Qendrën Klinike Universitare të Kosovës.
Zëdhënësi i Policisë së Kosovës për rajonin e Ferizajt, Kanun Veseli, e ka konfirmuar se rasti po hetohet si vetëvrasje.
“Rasti është cilësuar “Vetëvrasje”. Nga hetimet që janë zhvilluar nga Sektori Rajonal i Hetimeve, mësohet se e ndjera kishte tentuar me kërcy nga ndërtesa, ndërsa në përpjekje për ta shpëtuar motra e vet, kanë rënë të dyja”, tha Veseli sot.
Rastin e ka konfirmuar edhe mbrëmë Veseli, i cili ka bërë me dije se vajza që ka mbetur e lënduar po trajtohet në QKUK.
“Me datën 21.01.2023 rreth orës 21:35 policia rajonale e Ferizajt ka pranuar një informacion se në rrugën “Sandër Prosi” në Ferizaj, dy vajza të moshës 18 dhe 15 vjet kanë rënë nga kati i 4-të , i një objekti banesor. Të njëjtat për ndihmë mjekësore janë dërguar në Qendrën Emeregjente në Ferizaj e më pas për tretman të mëtutjeshëm mjekësor (nē gjendje tē rëndë shëndetësore) janë dërguar për në QKUK-Prishtinë. Njëra nga të lënduarat Z.M (F/K) e moshës rreth 15 vjeçe për pasojë ka ndërruar jetē, kjo e konfirmuar nga mjekët , ndërsa e lënduar ka mbetur A.M (F/K) e moshës rreth 18 vjecare. Policia Rajonale e Ferizajt ,hetuesit dhe krimteknikët rajonal janë në vendin e ngjarjes dhe nën autorizim të prokurorit kujdestar nga Prokuroria Themelore e Ferizajt po e hetojnë rastin”, ka thënë Veseli.
