Një prezantues i televizionit rus u pezullua nga detyra të hënën, pasi tha në transmetim se fëmijët ukrainas duhet të mbyten dhe të digjen të gjallë.
Anton Krasovsky, prezantues i “Russia Today” dhe drejtor i transmetimit për “Russia TV” që nga viti 2020, tha se fëmijët në Ukrainë duhet të vriten sepse e quanin Rusinë një fuqi pushtuese armiqësore. “Russia TV” është një organizatë lajmesh e kontrolluar nga shteti.
“Ata duhet të ishin mbytur në lumin Tysyna, pikërisht aty ku notojnë rosat”, tha ai. “Vetëm mbytini ata fëmijë. Mbytini ata”.
Krasovsky vazhdoi duke thënë se fëmijët duhet të futen brenda kasolleve të tyre dhe të digjen të gjallë. Ai gjithashtu bëri komente për ushtarët rusë që përdhunonin gjyshet ukrainase.
Kryeredaktorja e “Russia TV”, Margarita Simonyan, i dënoi komentet, duke i quajtur ato “të egra dhe të neveritshme”, përcjell Klankosova.tv
Megjithatë, pezullimi i Krasovsky nuk i jep fund çështjes.
“Ndoshta Anton do të shpjegojë se çfarë lloj çmendurie të përkohshme u shkaktua dhe si u tha kjo nga gjuha e tij. Është e vështirë të besohet se Krasovsky sinqerisht besonte se fëmijët duheshin mbytur”, shkroi Simonyan të dielën në Twitter.
Ukraina akuzoi Krasovsky dhe “Russia TV” për nxitje të gjenocidit.
