Pas takimit të liderëve në Samitin e BE-së, ka folur për media presidentja e Kosovës, Vjosa Osmani.
Ajo tha se ka marr mbështetje të madhe për liberalizimin e vizave por mbetet për t’u parë nëse do të votohet “pro” që sot t’i liberalizohen vizat, shkruan Neutral.al.
“Sot në takimin e përbashkët mes liderëve të Bashkimit Evropian dhe Ballkanit Perëndimor është dhënë një përkrahje deklarative nga një numër natyrisht i madh i liderëve sa i përket Kosovës, në të gjitha aspektet. Në radhë të pare shumica dërmuese janë deklaruar pro sa i përket liberalizimit të vizave. Në radhë të dytë shumica kanë përkrahur në përgjithësi perspektiven evropiane të Kosovës që i jep sinjal të mirë pasi të aplikojmë për statusin e kandidatit do të trajtohet me seriozitet dhe e treta Kosova është falënderuar nga shumica dërmuese aty për vendimin e saj që ti bashkohet Bashkimit Evropian dhe të bashkërendohet me BE sa i përket sanksioneve ndaj Rusisë.”
“Forumi ku votohet për liberalizimin e vizave.. këtu vetëm janë dhënë deklarata politike dhe dua të them se për here të pare kemi dëgjuar deklarata mbështetëse edhe nga disa shtete që në të kaluarën kanë qenë hezituese dhe janë dhënë sinjale pozitive por vendimi nuk merret në atë format. Nga ajo që dëgjuam sot kemi shpresa qe liderët që ishin aty do ta shtyjnë përpara sa më pare të jetë e mundur këtë çështje.”
Asnjë shtet i vetëm nuk u deklarua kundër, kemi nevojë për votim dhe të ecim përpara me një vendim. Ne i kemi dhënë të gjitha argumentet tona, Kosova e ka kryer punën e saj. Tani i takon BE që të veprojë”, u shpreh Osmani./Neutral.al/
