Kryeministri i Kosovës, Albin Kurti, së bashku me Kryetarin e Shtimes, Qemajl Aliu dhe Ministrin e Administrimit Elbert Krasniqi, kanë përuruar të enjten parkun dhe këndin e lodrave në lagjen e komuniteteve në fshatin Gjyrkoc të Shtimes
Në lagjen e komuniteteve në fshatin Gjyrkoc të Shtimes, mëngjesin e ditës së parë të dimrit kalendarik, Kryeministri i Republikës së Kosovës, Albin Kurti, së bashku me Kryetarin e Komunës së Shtimes, Qemajl Aliu, dhe Ministrin e Administrimit të Pushtetit Lokal, Elbert Krasniqi, kanë përuruar parkun dhe këndin e lodrave.
“Për vetëm dy muaj e gjysmë, në bashkëfinancim të Ministrisë së Administrimit të Pushtetit Lokal dhe Komunës së Shtimes, është realizuar ky park me mbi 70% hapësira gjelbëruese, me 570 pemë të mbjella, 9 lloje të ndryshme të lodrave, 52 shtylla ndriçimi, parking për vetura dhe 330 metra katrorë shtigje për ecje”, përfundohet në njoftimin e Zyrës së Kryeministrit.
