Xavier Alexander Musk, fëmija i Elon Musk ka kërkuar që të ndryshojë edhe emrin pasi ka ndryshuar gjininë.
Xavieri kur vendosi ta bëhej transgjinor, duke u shndërruar nga mashkull në femër, njoftoi se do të kërkonte ndryshim të emrit dhe identitetit, raporton Reuters.
Ajo dëshiron që përmes gjykatës amerikane në Kaliforni t’i shkëputë të gjitha lidhjet me babanë.
Xavieri është 18-vjeçare, e lindur nga ish-bashkëshortja e Musk, Justine Wilson, që u divorcua nga shefi i SpaceX-it dhe Teslas në vitin 2008.
Nuk u dhanë detaje rreth përçarjes mes Xavierit dhe babait të saj.
