Një incident mizor i dhunës në familje në Turqi po bën xhiron e internetit orët e fundit.
Videoja tregon momentin kur ish-bashkëshorti kap fëmijën nga krahët e të ëmës, ndërsa ajo tenton të mbrohet. Në një moment shihet teksa ndërhyn edhe vjehrri.
Djali i vogël i çiftit qëndron vetëm teksa sheh nënën e tij në tokë dhe babain e tij duke e goditur me thikë.
Sipas mediave turke, gruaja e quajtur Meiza iu nënshtrua një operacioni në shpretkë, për shkak të goditjeve që mori me thikë nga ish-bashkëshorti i saj.
Autori, siç është regjistruar në video, kap fëmijën dhe zhduket. Ndërsa vjehrri mban të shtrirë me forcë gruan.
Ish-bashkëshorti u arrestua, ndërsa vjehrri – i cili mbante gruan ndërsa djali e godiste me thikë – është lënë i lirë.
