Mesfushori danez, Chritian Eriksen, është një futbollistë i lirë në këtë afat kalimtar veror, ku interesim për shërbimet e tij kanë shfaqur klube si Manchester United e Totenham.
Djajtë e Kuq thuhet se kanë bërë një ofertë për të nënshkruar me Eriksen të martën, për të forcuar mesfushën e tyre.
Por si duket 30 vjeçari i ka dhënë një goditje klubit të Manchesterit dhe trajnerit Erlik ten Hag.
Eriksen momentalisht është një transfer i lirë pas skadimit të kontratës së tij me Brentford më 30 qershor.
Sipas The Athletic , lojtari do të preferonte të qëndronte në Londër sezonin e ardhshëm, duke i dhënë mundësi Totenhamit dhe Brentfordit në garën për nënshkrimin e tij, transmeton Indeksonline.
Pavarësisht kësaj, ende nuk ka ndonjë raport zyrtar se Eriksen ka refuzuar ofertën e Manchester United.
30-vjeçari thuhet se mbajti bisedime të mira me Thomas Frank në një takim darke të martën për një zgjatje të mundshme të kontratës me Brentford.
Ndërkohë, trajneri i Tottenhamit, Antonio Conte e ka admiruar Eriksenin që nga koha e tyre së bashku në Inter dhe ka në dispozicion barazimin e Ligës së Kampionëve, ndryshe nga Djajtë e Kuq që përfunduan në vendin e gjashtë dhe Brentford që doli i 13-ti sezonin e kaluar.
Eriksen tha për median suedeze Viaplay: “Kam oferta dhe opsione të ndryshme, të cilat po i shqyrtojmë dhe më pas marrim një vendim.
“Do të doja të luaja sërish në Champions League. E di sa argëtuese është, por nuk është thelbësore për mua.”, ka thënë mesfushori danez./Indeksonline/
