Në orët e para të 24 shkurtit, kur raketat ruse filluan të binin mbi Ukrainën në sulmin më të madh ndaj një vendi evropian që nga Lufta e Dytë Botërore, Artur, si miliona ukrainas të tjerë, u përpoq të kontaktonte familjen.Megjithatë, ndërsa shumica e bashkatdhetarëve të tij kishin frikë për jetën e prindërve të tyre, Artur kishte një mesazh tjetër për babanë, Oleg, një kolonel në forcat separatiste pro-ruse në lindje të vendit.
Je bastardë”, shkruan ai në një mesazh drejtuar babait të tij, raporton theguardian.“Mos e merrni armën. Kievi do të bjerë së shpejti”, iu përgjigj Oleg pas ca kohësh.
Artur nuk iu bind babait të tij, por shpejt doli vullnetar në ushtri dhe mori pjesë në mbrojtjen e suksesshme të Kievit, e cila përfundoi me tërheqjen e forcave ruse nga rajoni në muajin prill, transmeton Telegrafi.Ai së shpejti iu bashkua ushtrisë së rregullt ukrainase dhe së fundmi mori pjesë në kundërofensiva në veri dhe lindje të vendit. Artur ishte mes ushtarëve që hynë në Izyum dhe Lyman, dy qytete strategjikisht kyçe të çliruara muajin e kaluar nga Ukraina.
Gjatë gjithë kësaj kohe ai ishte në kontakt me babanë e tij në Donetsk, një rajon nën pushtimin rus. Ai korrespondonte me të përmes mesazheve.“Ne jemi fjalë për fjalë në anët e kundërta të fushës së betejës. Por vetëm njëri prej nesh po lufton për atë që është e drejtë”, tha Artur në një video-telefonatë nga një zonë në Ukrainën perëndimore ku po rikuperohet pas disa muajsh luftimesh rraskapitëse.
Pushtimi rus i Ukrainës shkatërroi mijëra familje. Për shkak të historisë së ndërthurur dhe të ndërlikuar të dyja vendeve, shumë ukrainas kanë të afërm në anën tjetër të kufirit. Jo shumë kohë pas fillimit të pushtimit, u shfaqën raporte se disa të afërm rusë të qytetarëve ukrainas refuzuan të besonin se ushtria e presidenti rus, Vladimir Putin po bombardonte civilët në qytete në të gjithë vendin.Megjithatë, pak histori ilustrojnë ndarjet familjare aq dramatike sa ato të Arturit. Ai është ushtari i parë ukrainas, babai i të cilit dihet se lufton në anën ruse.
Artur lindi në një familje ushtarake në Boryspil, një qytet afër Kievit. Babai i tij është nga rajoni lindor i Donetskut dhe ka shërbyer dhjetë vjet në ushtrinë ukrainase, deri në vitin 2011.Pasi u shkurorëzua me nënën e tij atë vit, Oleg u transferua në Rusi në kërkim të punës, thotë Artur. Ai nuk kishte para dhe iu bashkua forcave separatiste pro-ruse në Donetsk në vitin 2016, dy vjet pasi Moska aneksoi Krimenë dhe Putin filloi të dërgonte trupa për të mbështetur separatistët në lindje.
