U raportua sot për identifikimin e 25-vjeçarit që dyshohet se ka dhunuar seksualisht një 72-vjeçare në fshatin Klinë e Epërme të Skenderajt, më 4 nëntor. Pas denoncimit të këtij rasti tronditës, Policia arriti ta arrestojë personin e dyshuar, i cili u kap sot dhe dërgua në ndalim policor. Por kush është i riu që dyshohet se keqtrajtoi seksualisht gruan e moshuar?
Burimet nga Prokuroria ka bërë të ditur ekskluzivisht për Sinjalin se bëhet fjalë për Alban Hajrizin, i cili sipas provave të siguruara deri më tani ka kryer marrëdhënie seksuale me të moshuarën, pa dëshirën e saj.
E moshuara është intervistuar nga hetuesit policorë, ku para tyre ka rrëfyer në detaje gjithë ngjarjen e tmerrshme me të cilën u përballë. Pas denoncimit të rastit, ajo është dërguar për ekzaminime mjekësore në Institutin e Mjekësisë Ligjore.
Me urdhër të prokurorit, rasti është cilësuar ‘Dhunim’, ndërsa i dyshuari është dërguar në mbajtje për 48 orë.
sinjali
