Kryeministri kanadez, Justin Trudeau, dhe gruaja e tij, Sophie Grégoire Trudeau, po ndahen, njoftoi Trudeau në llogarinë e tij në Instagram të mërkurën.
Trudeau tha pas “shumë bisedash kuptimplota dhe të vështira” me Sophie, “ne kemi marrë vendimin për t’u ndarë”.
“Si gjithmonë, ne mbetemi një familje e ngushtë me dashuri dhe respekt të thellë për njëri-tjetrin dhe për gjithçka që kemi ndërtuar dhe do të vazhdojmë të ndërtojmë”, ka shkruar ai.
Ai kërkoi që privatësia e tyre të respektohet për mirëqenien e fëmijëve të tyre, shkruan CNN, transmeton Klan Kosova.
Zyra e kryeministrit tha se dyshja kishin “nënshkruar një marrëveshje ndarjeje ligjore”, në një deklaratë të mërkurën.
“Ata kanë punuar për të siguruar që të gjithë hapat ligjorë dhe etikë në lidhje me vendimin e tyre për t’u ndarë janë marrë dhe do të vazhdojnë ta bëjnë këtë duke ecur përpara,” thuhet në deklaratë.
