Pozitë e opozitë janë përplasur me vendimet e fundit të qeverisë për mos dhënien e pagave ndaj grevistëve në administratën publike.
Një reagim më ndryshe e ka bërë kreu i partisë opozitare të AAK-së, Ramush Haradinaj i cili ndër të tjera i bënë thirrje kryeministrit Kurti për t’u ndale.
Në rrjetin e tij social shkroi:
“Ndalu sa s’të kanë ndalë o Albin Kurti
Ku je tuj dashtë me e çu këtë vend o Albin Kurti?! A je tu e pa që je duke e shkatërru me themel!?
Me çfarë të drejte ju ndalë pagat personelit arsimor? Me cilin ligj a me cilën kushtetutë? Kush janë ata sejmenë trima që i kërcënojnë e i shantazhojnë mësuesit!?
Kush ta ka dhanë atë të drejtë që në pikë të verës me e lanë popullin në terr! Pse e ke pengu ndërtimin e Kosovës së Re? Pse nuk i ke hapë rrugë gazit për energji?
Pse po i mbanë paret e popullit në arkën e shtetit e nuk po i rrit rrogat. A ta ka thanë dikush se njerëzit kanë fillu të vuajnë edhe për bukë?
Ky vend nuk është pronë e jotja. Ti ke marrë votë me qeverisë vendin e jo me shkatërru atë.
Hiq dorë nga kjo mënyrë e qeverisjes sa nuk është bërë vonë. Ktheju popullit, sepse po t’u kthy ai ty, do të përfundosh me turp. Ndalu vet e mos lejo të të ndalin!”.
E më pas ka komentuar në statusin e tij duke sqaruar se kjo thirrje nuk është nga këndi politik por si një qytetarë i shqetësuar për vendin e tij.
