Ukraina planifikon të padisë Poloninë, Hungarinë dhe Sllovakinë për ndalimin e importit të produkteve bujqësore ukrainase, tha përfaqësuesi ukrainas i tregtisë Taras Kachka për Politiko në një intervistë të botuar të hënën, përcjell Demokracia.
Ndalimet nga qeveritë e tre vendeve të Evropës Qendrore kanë për qëllim mbrojtjen e fermerëve të tyre nga importet e drithërave nga Ukraina, pas bllokimit nga Rusia të porteve ukrainase në Detin e Zi.
Partia në pushtet e Polonisë është veçanërisht e prirur për të frenuar këtë rrjedhë, sepse suksesi i saj në zgjedhjet e 15 tetorit është i lidhur ngushtë me mbështetjen e një popullsie rurale që ishte e indinjuar nga rritja e importeve të produkteve bujqësore ukrainase.
“Është e rëndësishme të vërtetohet se këto veprime janë ligjërisht të gabuara. Dhe kjo është arsyeja pse ne do të fillojmë procedurat ligjore nesër”, tha Kaçka të dielën në mbrëmje, duke shtuar se Kievi planifikon të hakmerret me masa kundër eksportit të frutave dhe perimeve polake.
“Ne do të detyrohemi të hakmerremi me produkte shtesë dhe të ndalojmë importin e frutave dhe perimeve nga Polonia”, tha ai për Politico, përcjell Demokracia.
Të tre vendet u rebeluan kundër Komisionit Evropian, i cili vendosi të premten e kaluar të lejojë shitjen e grurit ukrainas në të gjithë BE-në.
