Dy gra kanë përfunduar mëngjesin e sotëm në Spitalin Rajonal në Prizren si pasojë e lëndimeve që morën pasi u përfshinë në një përleshje fizike, raporton Gazeta Sinjali.
Sinjali mëson se gjithë ngjarja dyshohet se ka ndodhur për motive të ulëta, ku pas një mosmarrëveshjeje 54-vjeçarja dhe 39-vjeçarja e kanë goditur njëra-tjetrën me grushte dhe janë kapur për flokësh.
Ndërkohë rasti është denoncuar edhe në Polici, me ç’rast njësitet policore kanë intervistuar dy të dyshuarat.
Me urdhër të prokurorit, ndaj tyre është iniciuar rasti ‘Lëndim i lehtë trupor’.
