Duket se Kanye West nuk është aspak në ditët e tij më të mira dhe thjesht nuk di të ndalet. Reperi ka adresuar komentet që bëri kur la të kuptohej se Drake kishte fjetur me ish-vjehrrën e tij, Kris Jenner.
Duke e quajtur Drake “reperin më të mirë të të gjitha kohërave”, West foli për disa nga komentet që bëri së fundmi në rrjetet sociale gjatë një interviste në podkastin “Drink Champs”.
Gjatë bisedës, bashkë-prezantuesi i podkastit, N.O.R.E, e pyeti Kanye West se çfarë donte të thoshte kur, në një postim të fundit dhe tashmë të fshirë në Instagram, ai tha: “Drake a f**k ya baby mama’s mama.”
Pra, me fjalë të tjera më qytetare: Drake ka kryer marrëdhënie seksuale me ish-vjehrrën e tij.
“Po, ajo ishte e rëndë,” tha Kanye.
Kur u pyet saktësisht se çfarë kuptimi kishte postimi, West shtoi: “Ti e di se çfarë kuptimi kishte. Corey e di kuptimin,” duke iu referuar Corey Gamble, të dashurit të Jenner.
Jenner, 66 vjeç dhe Gamble, 41 janë së bashku prej tetë vitesh.
Kjo nuk është hera e parë që Drake, 35 vjeç, përflitet për një raport me një anëtare të familjes Kardashian. Në vitin 2018, u përfol se pati lidhje me Kim Kardashian.
Megjithatë, Kanye dhe Kim i kanë mohuar thashethemet. “Kurrë nuk ka ndodhur. Mbyllet këtu kjo histori,” u shpreh asokohe Kim në Instagram.
Ok, po me Kris-in?
