Rreth 200 padi civile janë ngritur kundër prodhuesve të vaksinave kundër Covid-19 në të gjithë Gjermaninë.
Avokatët thonë se klientët e tyre ankohen se janë dëmtuar nga vaksinimi kundër koronës. 185 paditë civile drejtohen kundër të katër prodhuesve kryesorë të vaksinave kundër koronës: BioNTech, Moderna, AstraZeneca dhe Johnson & Johnson.
Gjyqi i parë duhet të nisë më 28 prill në Gjykatën Rajonale të Frankfurtit. I pandehuri është prodhuesi i vaksinave me bazë në Mainz, BioNTech. Paditësja është një grua që pretendon se ka pësuar dëmtime në zemër si pasojë e vaksinimit kundër Covid 19. Kjo grua punon vetë në një profesion mjekësor.
Sipas avokatëve dhe mjekëve lidhja midis vaksinimit dhe dëmeve do të vendoset përfundimisht nga ekspertët.
Një firmë ligjore në Düsseldorf kishte rreth 3,000 hetime nga të cilat 135 rezultuan në padi. Thelbi i padive është për të zbuluar nëse ka lidhje midis vaksinimit dhe dëmeve.
Në parim, të njëjtat rregulla përgjegjësie zbatohen për vaksinat Covid-19 si për barnat e tjera. Prodhuesi mund të deklarohet përgjegjës nëse ka një gabim prodhimi. Ndërkohë që nëse ilaçi është administruar gabimisht, personi që vaksinon është përgjegjës.
