Sot, këngëtarja Eni Koçi u bë nënë për herë të parë.
Ajo solli në jetë një vajzë të shëndetshme, të quajtur Adea.
Lajmin e ndau menjëherë me ndjekësit, por një tjetër emocion, ka qenë dikush tjetër që e ka ndarë në rrjete sociale.
Bëhet fjalë për Gretën, e cila është tezja më e re në qytet.
Ajo ka publikuar video me mbesën në duar, duke u shprehur mes tjerash:
“Sot u bëra teze e një engjëlli të vogël. Nuk e kisha besuar kurrë që do ndjeja kaq shumë emocione. Zemra më doli nga vendi nga lumtura. E dua Adean aq shumë sa nuk gjej dot fjalë ta shpreh dashurinë që kam për të. Faleminderit Zotit dhe faleminderit Eni&Genc që ma mbushët shpirtin plot”, ka shkruar ajo.
Ajo mes tjerash ka zbuluar dhuratën, një zinxhir ari me emrin e gravuar të mbesës.
