Erion Kajtazi do të jetë gjithmonë afër klubit.
Kjo pasi ekipit i Trepçës ’89, të enjten e emëroi fushën sintetike me emrin e ish-futbollistit të tyre të ndjerë.
Në këtë ngjarje ishin të pranishëm familjar, miq, krerë të Komunës së Mitrovicës, përfaqësues të Federatës së Futbollit të Kosovës si dhe të gjitha gjeneratat e skuadrës mitrovicase.
I pari i shtëpisë së futbollit të Kosovës, Agim Ademi, i dhuroj familjarëve të Erionit fanellën dhe topin që futbollisti kishte luajtur për herë të fundit me kombëtaren e Kosovës U17.
Ndërsa, nënkryetari i Komunës së Mitrovicës, Arian Tahiri tha se Erioni do të jetë ikonë dhe shembull i qytetit.
Me emocione folën edhe trajneri dhe një bashkëlojtar i të ndjerit.
Erion Kajtazi, ndërroi jetë me 3 dhjetor të këtij viti duke luajtur në ndeshjen ndërmjet Trepçës ’89 dhe A&N, në kuadër të Superligës në kategorinë e juniorëve.
