Tea Trifoni i ka lënë vetes të gjitha mundësitë e hapura për dashurinë. Pasi deklaroi se për Luiz Ejllin ka pasur një pëlqim brenda shtëpisë së ‘Big Brother VIP Albania’, tani shpreh hapur simpatinë për një tjetër ish-banor.
Tea pranoi se ka pëlqim për Enin, e se nuk do e refuzonte për të pirë një kafe të dytë, pasi të parën e kanë konsumuar. Kjo deklaratë u bë dje në ‘E Diell’, aty ku ish-banorja e BB VIP2 ishte e ftuar në disa rubrika.
Nevila: Eni ka shprehur pëlqim për ty dhe dëshirë për të të njohur. Ktheji përgjigje publikisht.
Tea: Këtë përgjigje ta kthej për njerëzit që na shohin se Enit ia kam thënë. E kemi pirë kafen. Mund të pimë dhe një kafe tjetër Eni, patjetër. Një kafe miqësore.
Tea: Është goxha djalë.
Nevila: Një pëlqim ka?
Gjatë qëndrimit të shkurtër të Enit në shtëpi u vu re afrimiteti i tij me Tean, të cilës i shprehu edhe pëlqimin. E pas daljes, ai deklaroi në intervista se do priste Tean jashtë që ajo të dilte dhe të njiheshin.
