‘Dance with me’ në spektaklin e dytë përpos fitues të mbrëmjës, pati edhe të eliminuar.
Ishte ish-Missi Arbnora Ademaj që u eliminua, pasi mbeti në trio me dy konkurentë të tjerë, Valon Shehun dhe Igli Zarkën.
Por, ky vendim i jurisë duket të ketë shkaktuar debat në rrjet.
Komentuesit në faqen zyrtare të emisionit kanë qenë të ndarë në mendime.
Një pjesë e madhe e tyre, e kanë konsideruar vendimin për largimin e Arbnores si të padrejtë, duke shigjetuar për këtë, kryetarin e jurisë, Ilir Shaqiri.
Dikush tjetër e ka konsideruar si turp vendimin ndërsa një prej komentuesve është shprehur i pakënaqur me sjelljen siç cilësohet “arrogante” të anëtares së jurisë, Klaudia Pepa.
Ndryshe, kampionja europiane në atletikë, Luiza Gega u shpall fituese e mbrëmjes së dytë.
