Mosmarrëveshja mes disa personave që dyshohet se nisi për një borxh sot në Balincë të Malishevës, përfundoi me fatalitet, ku për pasojë humbi jetën tragjikisht i riu Shkodran Krasniqi. Për vrasjen e tij, tashmë janë arrestuar katër persona, të cilët dyshohen se janë të përfshirë në këtë rast.
Njëri nga dëshmitarët e vrasjes, Esad Gashi është kërcënuar në ditën e sotme ai ka bërë me dije se të dyshuarit që përfunduan në pranga të Policisë janë katër vëllezër Kastriot Gashi, Fatmir Gashi, Xhavit Gashi,Asdren Gashi
Rasti i rëndë ka ndodhur në tregun e druve dhe motivi që çoi deri në vrasje dyshohet të ketë qenë një borxh.
Lidhur me rastin, njësitë policore kanë dalë në vendin e ngjarjes ku po kryejnë bastisje, teksa është sekuestruar një armë zjarri.
Raportimin e ka konfirmuar zëdhënësi i Policisë Rajonale të Gjakovës, Sheremet Elezaj.
“Sot rreth orës 13:30 kemi pranuar informatë se një person mashkull i moshës madhore është dërguar në QKMF Malishevë, dyshohet të jetë qëlluar me armë zjarri në fshatin Balincë-Malishevë. Personeli mjekësor ka konstatuar vdekja e tij. Njësitet e nevojshme policore ju kanë përgjigjur rastit si dhe është njoftuar prokurori i shtetit i cili ka dalë në vendin e ngjarjes, në konsultim me të cilin janë duke u ndërmarrë të gjitha veprimet e nevojshme hetimore. Deri më tani lidhur me rastin janë arrestuar katër persona të cilët dyshohen të jenë të përfshirë në rast, si dhe është konfiskuar një armë”, tha Elezaj.
