Zjarri i cili dje ka shpërthyer në Fabrikën e Plastikës në Drenas, po vazhdon dhe sot. As pas 24 orëve zjarrfikësit nuk kanë arritur ta fikin tërësisht zjarrin, i cili që nga dje ka kapluar dy objekte të përpunimit të plastikës, në “Parkun e Biznesit” në Drenas.
Zjarrfikësit ende janë në vendin e ngjarjes, duke bërë përpjekje për shuarjen e zjarrit.
Megjithëse u angazhuan dhjetëra ekipe të zjarrfikësve, zjarri nuk u arrit të fikej pasi që flakët vetëm përhapeshin, shkaku edhe i erërave të forta.
Dëmet materiale konsiderohen të jenë milionëshe. Ndërsa nuk ka të lënduar si pasojë e zjarrit.
