Denzel Dumfries mund të jetë futbollisti i radhës që do t’i bashkohet Chelsea-t. Mbrojtësi anësor i Interit pëlqehet shumë nga trajneri Graham Potter dhe drejtuesit e klubit londinez duan t’ia sjellin në ekip, për të zëvendësuar Reece James, i cili është i dëmtuar afatgjatë.
Për momentin në Milano janë në pritje të një oferte, pasi pretendojnë të arkëtojnë rreth 60 milionë euro nga kartoni i holandezit, ndërsa Marotta e Ausilio kanë punuar paralelisht për të gjetur edhe zëvendësuesin e Dumfries.
Siç raportojnë mediat pranë klubit zikaltër, emri i përzgjedhur është ai i kanadezit Tajon Buchanan, i cili luan me kampionët në fuqi të Belgjikës, Club Brugge dhe është në pritje të një oferte për t’u larguat.
Zikaltrit e monitoronin prej kohësh futbollistin, që bëri një paraqitje të mirë edhe në Katar 2022, ndaj në rast shitjeje të Dumfries te Chelsea, pritet të prezantohen menjëherë me një ofertë prej 10-15 milionë eurosh, për të marrë kanadezin.
