Stresi dhe Juliana janë dy prej konkurentëve më të fortë në “Big Brother VIP Kosova”, teksa prej kohësh ata kanë pasur debate të forta në shtëpi, por arsyet e diskutimeve të tyre duket që kanë nisur që jashtë dhe për këtë mund të jetë shkak një person i tretë, që të dy e njohin shumë mirë. Në fakt, Juliana së fundmi ka nisur një histori me Atdheun, që është bërë rishtazi pjesë e programit, por megjithatë, nga ajo që ka lënë të kuptohet, konkurentja e “BBVK” ka lënë edhe një marrëdhënie pezull jashtë dhe të gjithë “faktet” na drejtojnë tek Noizy.
Le t’i marrim me radhë. Ditët e fundit, Juliana ju shpreh banores tjetër të formatit, Artës, duke i treguar se kishte pasur një romancë prej 4 muajsh me dikë jashtë shtëpisë, por për sa kohë kishte qenë pjesë e reality show-t, ky person nuk i kishte dhënë asnjë “shenjë”, edhe pse kishin vendosur që ajo të bëhej pjesë e “Big Brother” si “single”. Po ashtu ajo tha se ndihej xhelozë sepse “djali’ kishte futur brenda shtëpisë veshje të firmës së tij, madje veshje që edhe dizenjon e kishin bërë bashkë dhe ajo priste që t’i vinin dhuratë asaj, por në fakt i shkuan mbresës.
Veshjet janë të firmës së Noizy-t dhe një tjetër indicie që personi jashtë është pikërisht reperi është fakti që ajo ka treguar se Stresi e njeh atë dhe nuk kanë folur bashkë prej 10 vitesh (Stresi dhe Noizy janë pajtuar vetem gjatë vitit të fundit). E në fakt, disa prej debateve mes reperit dhe Julianës në shtëpi, duket se kanë nisur pikërisht për historinë që ajo ka jashtë.
Pra deshi apo nuk deshi, Noizy u bë pjesë e “Big Brother Kosova”, jo me prezencën e tij sigurisht, por mes dramave të banorëve, ku sigurisht që do ishte i përfshirë edhe Stresi. Megjithë jemi në pritje të reagimit të tij.
