Dafina Zeqiri kërkon të publikohen emrat e mbiemrat e pesë të dyshuarve për dhunimin e 11-vjeçares
Këngëtarja e njohur kosovare, Dafina Zeqiri, ka reaguar për rastin e 11-vjeçares në Prishtinë, e cila dyshohet se është dhunuar nga pesë persona, pasditen e së shtunës, shkruan gazeta Neutral.
Zeqiri ka kërkuar që të bëhen publikë emrat dhe mbiemrat e të pesë dyshuarve për dhunimin e së miturës.
“Na duhen këta emra! Emrat e plotë! Emër mbiemër! Të pesë prej tyre!”, ka shkruar Zeqiri në Twitter.
Ndryshe, deri tash janë arrestuar katër të dyshuar për rastin, derisa i pesti është identifikuar, por ende është në arrati.
Tre prej të arrestuarve janë të mitur, derisa i katërti është një person i moshës 26-vjeçare.
