Hulumtimet tregojnë se disa lloje ushqimesh mund të ndihmojnë në plotësimin e dëshirës për ëmbëlsira dhe sheqer, të tilla si frutat, farat ose uji.
Ka shumë mite rreth asaj se çfarë e redukton dëshirën për sheqer, por vetëm disa janë mbështetur nga kërkimet. Me kaq shumë thashetheme se çfarë mund t’i kënaqë dëshirat, është e vështirë të dihet se cilat ushqime janë më të mira për të ngrënë kur keni dëshirë për sheqer.
Megjithatë, hulumtimet tregojnë se disa ushqime – të tilla si frutat, uji ose farat – mund të jenë një zëvendësues adekuat që do ta zvogëlojë dëshirën tuaj për sheqer.
Frutat janë një burim i shkëlqyer i fibrave, të cilat mund të ndihmojnë në balancimin e niveleve të sheqerit në gjak.
Pasi ndoqën shprehitë ushqyese të 3.518 australianëve për 12 vjet, studiuesit zbuluan se ngrënia e sasive të moderuara të frutave lidhej me një zvogëlim të rrezikut për 36 për qind të zhvillimit të diabetit të tipit 2 (sipas një studimi të qershorit 2021 në The Journal of Clinical Endocrinology & Metabolism).
Lloji i sheqerit në fruta quhet fruktozë që është treguar të ketë pak efekt në sheqerin në gjak kur merret me moderim, dhe për shkak të fibrave, ajo nuk do të shkaktojë një rritje e madhe e sheqerit në gjak (sipas një studimi të qershorit 2009 në Journal of Nutrition).
Manaferrat, mjedrat dhe boronicat – mund të jenë një burim i shkëlqyer i lëndëve ushqyese, por ato gjithashtu mund të kujdesen për dëshirën tuaj për të ngrënë ëmbël.
