Një ngjarje e rëndë ka ndodhur në Itali teksa një burrë goditi gruan e tij me gërshërë ndërsa ajo ishte duke pushuar në shtrat.
Bëhet fjalë për një 74-vjeçar nga Caivano (Napoli), i cili u arrestua nga policët, me urdhër të prokurorit të Napolit të Veriut, për vrasje të mbetur në tentativë sipas medieve italiane.
Ndërkohë gruaja 71-vjeçare ndodhet e shtruar në spitalin Frattamaggiore, por jashtë rrezikut për jetën.
Ende janë duke u hetuar shkaqet e ngjarjes, teksa duket se i moshuari ka përfituar nga fakti që gruaja e tij ishte duke fjetur për ta goditur me gërshërë në fyt dhe gjoks.
Gruaja e përgjakur ka bërtitur ndërsa kanë qenë fqinjët që kanë thirrur policinë dhe pas pak kanë mbërritur familjarët, të cilët kanë shpëtuar 71-vjeçaren.
Më pas gruaja iu nënshtrua një operacioni urgjent.
