Agjencia e Ushqimit dhe Veterinarisë ka bërë të ditur se ka larguar nga tregu çokolatat “Frey” të dyshuara për falsifikim të datës së skadencës.
“Pas raportimit të konsumatorit të publikuar ne rrjete sociale, për dyshime të falsifikim të datës se skadences se produktit çokolatë”, thuhet në njoftim.
“Prodhues fabrika ‘’Frey’’ origjina Zvicër. Menjëherë kemi nisur gjurmimin për të gjetur adresën e operatorit ekonomik distribues. i cili ka rezultuar se gjendet në Fushë Kosovë”.
Sipas AUV-it, datat e skadencës janë mbuluar me stikera të distributorit dhe u janë shënuar, data tjera.
“Ekipi inspektues ka shkuar për inspektim të depos se produkteve. Aty ka gjetur produktet e njëjta si të dyshimta. Datat e skadencës janë mbuluar me stikera të distributorit dhe u janë shënuar, data tjera”.
“Menjëherë janë ftuar Policia me njësitet relevante për të bërë verifikimin e dyshimit në falsifikim. Inspektorët e AUV-së bashkë Policinë e Kosovës kanë ndërmarrë të gjitha veprimet në raste. Sasia e gjetur e produkteve e gjetur është ndaluar për qarkullim, po ashtu është urdhëruar distributori, qe menjëherë të bëjë tërheqjen nga të gjitha pikat ku e ka shpërndarë produktin”.
“Në të njëjtën kohë është gjetur edhe adresa e furnitorit të këtij produkti si Importues me lokacion ne komunën e Gjilanit. Po ashtu tek i njëjti autoritete shtetërore kanë gjetur edhe një sasi tjetër të çokolatës se njëjtë me afat të skaduar por qe nuk i është manipuluar data. Nga të dyja rastet është arritur të ndalohen rreth 2500 njesi çokolate prodhues fabrika ‘’ Frey’’ lloji: supreme dark orange, supreme dark 78%, dhe supreme dark crunchy almond. Të gjitha me peshë 100 gram për njësi”.
Kujdes konsumatorë! Mos i konsumoni produktet e cekura me lartë sipas prodhuesit, llojit dhe etiketave, kthejini pranë subjekteve ku i keni blerë! Nëse i gjeni në shitje lajmëroni autoritetin. 080050095 thirrje pa pagesë”.
Njw ditw mw parw, njw konsumator kishte denoncuar në grupin “Network Prishtina”, se çokolatës me prejardhje zvicerane i ishte fshehur afati i vërtetë i skadencës dhe në vend të tij ishte ngjitur një letër tjetër me afat të ri skadence.
“Të nderuar kjo çokolladë zvicerane ka një kohë të gjatë që shitet me afat te skaduar, afati i mbulohet me nje stiker e ndonjehere i fshihet dhe I shtypet tjetri. Kete çokolladë që në Zvicer shitet deri ne 5 euro ne Ks gjithandej Kosovës po shitet me afatbte skaduar 1 euro. Une jam një konsumatorë qe kam blerë dhe ishte zhgënjim. Kujdes! “, ka shkruar ai.
