Policia e Kosovës e ka arrestuar aktivisten e PSD-së, Donjeta Demollin, pas një aksioni të kësaj partie, që u zhvillua pasi kryeminsitri Albin Kurti nisi fjalimin te “Ulpiana Forum”, raporton Gazeta Sinjali.
Lajmin e ka bërë të ditur kryetari i PSD-së, Dardan Molliqaj, i cili tha se kërkojnë lirimin e menjëhershëm të Demollit, duke e akuzuar “pushtetin e Kurtit”.
Postimi i plotë:
I papranueshëm arrestimi i aktivistes së PSD-së Donjeta Demolli.
Pushtetit i Albin Kurtit, që Kosovës po ia sjell Zajednicën, po i pengon një parullë që e tregon të vërtetën për të. Po i pengon zëri i tij kur dikur e mohonte këtë Zajednicë. Po i pengon vetja kur shihet në pasqyrë!
Por Albin Kurti e di më mirë se kushdo: nuk mund të ketë qetësi e normalitet, me Zajednicën që po ia sjell Kosovës. E mbase kjo po i pengon më së shumti.
Kërkojmë menjëherë lirimin e aktivistes së PSD-së Donjeta Demolli!
