Andrey Gurulyov, aleati i Vladimir Putinit dhe gjeneral rus, ka ardhur me një paralajmërim të rrezikshëm.
Ai ka thënë se nëse fillon Lufta e 3-të botërore, qyteti i parë që do ta bombardoj Rusia është Londra, shkruan Neutral.al.
Në kanalin 1 të televizionit shtetëror, ai tha se nuk kishte asnjë mënyrë tjetër për të parandaluar që Perëndimi të bllokonte enklavën ruse të Kaliningradit.“Ne do të shkatërrojmë të gjithë grupin e satelitëve hapësinorë të armikut gjatë operacionit të parë ajror,” tha gjeneral-lejtnant Gurulyov, një komandant i lartë që tani përfaqëson Rusinë e Bashkuar, partinë kryesore politike pro-Vladimir Putin.
“Askujt nuk do t’i interesojë nëse janë amerikanë apo britanikë, ne do t’i shohim të gjithë si NATO. Së dyti, ne do të zbusim të gjithë sistemin e mbrojtjes kundër raketave, kudo dhe 100 për qind. Së treti, sigurisht që nuk do të fillojmë nga Varshava, Parisi apo Berlini, por nga Londra”, tha gjenerali./Neutral.al/
