Një aksident trafiku ka ndodhur sot rreth orës 15:44 në rrugën Vushtrri-Mitrovicë, më saktësisht në fshatin Dobërlluk, shkruan Express.
Aksidenti ka ndodhur në afërsi të fshatit Dobërllukë, ku janë përfshirë dy vetura, ndërsa personi që ka shkaktuar aksidentin ka ikur nga vendi i ngjarjes.
Fatmirësisht nuk ka të lënduar, ndërsa sa i përket dëmeve materiale, Pllana tha se janë të vogla.
Lajmin e ka konfirmuar zëdhënësja e Policisë për rajonin e Mitrovicës, Fexhrie Pllana.
Ajo ka thënë se automjeti që e ka shkaktuar aksidentin ka ikur nga vendi i ngjarjes.
“Me rastin jane duke u marr hetimet e Njesise se Trafikut Rajonal”, tha Pllana.
