Anthony Joshua mund të luftojë me Filip Hrgovic për titullin IBF në verë. Boksieri britanik ka një ndeshje të organizuar me Francis Ngannou më 8 mars të këtij viti.
Dhe pas kësaj, duke qenë se Tyson Fury dhe Oleksandr Usyk janë të zënë duke luftuar me njëri-tjetrin, Joshua do të përpiqej të rifitonte titullin IBF, i cili do të mbetej pa pronar. Hrgovic duhet të jetë kundërshtari i britanikut.
Planet e Joshuas u zbuluan nga promovuesi i tij Eddie Hearn.
“Nëse Tyson Fury mund Oleksandr Usyk dhe Joshua mund Ngannou, plani është që Joshua të luftojë për titullin IBF, i cili do të mbetet vakant. Unë gjithashtu e di se çfarë do të thotë bota – që ne duhet të kishim rregulluar luftën midis Tyson Fury dhe Anthony Joshua”, ka thënë Hearn.
“Nuk do të ketë kurrë një shans për një luftë më të madhe në këtë sport. Do të shohim. Por të gjithë jemi të fokusuar në luftën Joshua-Ngannou dhe në luftën Fury-Usyk, e cila duhet të zhvillohet në harkun kohor prej tre javësh”, shpjegoi Hearn në podkastin e Ariel Helwani.
Joshua dhe Hrgovic mund të luftojnë në fillim të verës, kur Joshua të rikuperohet nga ndeshja me Ngannoun.
Në ndeshjen e tij të fundit, mbrëmjen para Krishtlindjes, Hrgovic mposhti Marko de Mori. Në karrierën e tij, ai ka një rekord fitore-humbje 17-0, 14 nokaut.
