Ambasada e Gjermanisë e ka lëshuar sot vizën e fundit turistike.
Bujar Rrustemi ishte qytetari të cilit ambasadori i Gjermanisë në Kosovë, Jorn Rohde ia dorëzoi personalisht pasaportën me vizë, i cili u shpreh i lumtur.
“Është viza e fundit e rregullt”, tha Rohde. “Është dashur të ndodhë shumë vite më parë”, tha ai duke folur për liberalizimin e vizave për kosovarët.
Rohde kujtoi se kishte deklaruar se do të jetë ambasadori i fundit në Kosovës që do të merret me liberalizimin e vizave dhe tha se e ka mbajtur fjalën.
Rohde tha se do tuan t’i shohin kosovarët “të udhëtojnë ta shijojnë Gjermaninë apo shtetet tjera të Europës”.
Ai kujtoi se vitin e ardhshëm Kampionati Europian i futbollit do të mbahet në Gjermani dhe se “shumë kosovarë do të kenë mundësi ta shohin këtë ngjarje”.
“Për këtë jam i lumtur”, tha ambasadori.
Për viza pune, për studime dhe të tjera, procedurat per t’u pajisur me vizë mbesin të njëjta.
